مش عايز
محمد سالم
مش عايز اسمع منك تاني
انك عايزاني وبتحبيني
محمد سالم
كام مره قلتي خلاص انساني
انا اللي بقلك خلاص انسيني
لامتي هعيش وانا بسامح
واكون مجروح وقلبك جارح
وعلشان كنت بحبك من قلببي
كنت اقبل اعزارك ونتصالح
انا فكري فيكي كان سارح
وقلبي بعشقه كان طارح
بس المره دي اتاخرتي
وخت قراري من امبارح
اني مسامحش في جرح قلبي
واني مضعفش عشان حبي
خلاص معدش ليكي مكان
اخر كلامي وده اللي عندي
شوفي حد يتحمل أساكي
تجرحيه ويجري وراكي
عن نفسي هدوس علي قلبي
لو قابلك يوم ورجع نداكي
غلطه عمري في يوم صدقتك
معرفشي ازاي انا كنت بحبك
قلت اللي عندي خلاص مش عايزك
ممكن تتفضلي خدتي اكتر من وقتك
ليست هناك تعليقات