مصر السلام

  طارق السيد ... يكتب .....

مصر السلام
أنا مصر دايما أم البلاد لو يوم أنادي تلبي الولاد
عشان ولادي دايما شداد وقلب أبيض ضد السواد
البور سعيدي قام خد بإيدي وقال عشانك أبني وأعلي
يا سويسي ياللي جاهز تملي بمبوطي تغزل بالسمسمية
تغزل أغاني تبدر أماني تطرح عزيمة كده مية مية
وأهل سينا قالوا يلا بينا زي الفهود نحمي الحدود
والقهاروة دول ناس مصاروة حتى النخاع
زى السباع عاملين صداع للتعالب والضباع
والأسيوطية إيدهم عفية قبل ما اسأل جاوبوا السؤال
وإسكندرية بلد الرجال بيقولوا دايما مفيش محال
و القناوي قال برضو ناوي علشان عيوني ينسف جبال
والنوبة دايما أهل الطيابة أسود تصد غدر الديابة
وطنطا قالت لو مرة مالت دفة سفينتك تعدلها إيدي
والصعيدي قال يبقى عيدي لما مصر ترفع فى راسها
و البحاروة تزرع فى أرضي تسلم لى إيدها إللى شايلة فاسها
والإسماعيلى كده قال يا بلدي تفديكي روحي بس إرجعيلي
والواحات فيها إللي مات ضحى بحياته عشان أعيش
والعريش قالت مفيش غير مصر بلدي تعيش تعيش
والسوهاجي قال مصر تاجي وغيرها والله يا ناس ماليش
وكمان حلايب دول ناس حبايب لكن أعادي للي يعاديني
والشراقوة دول أهل تقوى وناسها دايما فى نن عيني
والمحلة تغزل نسيجها أعلام ترفرف مع كل نسمة
وكل نسمة على وشي راسمة يجى الف ضحكة وميت الف بسمة
وفي الختام أأقول سلام أصل السلام أجمل كلام فى البدايه أو الختام
عن قوة مش عن ضعف مني أو كلمة طالعة من جوف جبان
بقلم طارق السيد