#آذان _الأقصى

الشاعر إبراهيم بدر عبدالله / يكتب

........

 .............

ناداني المسجد الأقصى
وقالي ليه بتتخفى
وليه للي خلق تعصى
وليه اتقلبت الدفة
يهودي عليا يتوصى
وعربي ماشي يتكفى
آذان الأقصى صوته عالي
ومهر الجنة دا غالي
يا مسلم ليه ما بتبالي
في قلب الجرم تتدفى
بلال موجود فوق المبنى
يعلي الصوت كما الكروان
يقول ف كلام وليه معنى
يا عربي ليه بتبقى مهان
يقول ليه مالت الكفة
عمر للقدس كان فاتح
بأخلاقه ومش بالدم
في قلب الدير أمير ناصح
عمر أصله مالوش ف الذم
وكان بالحق.. يستعفى
صهاينة للأذان كاتمين
وقوتهم دي من ضعفي
هيرجعلي صلاح الدين
ويرقص م الفرح حرفي
ويمنع من عيني الرفة
ويحصدهم بدون رأفة

............

بقلم / إبراهيم بدر عبدالله