الدنيا ماتش كورة

الشاعر خالد عبد السلام / يكتب 

.........

 

الدنيا ماتش كورة
وكل واحد له مكان
فيها حارس ع الشباك
ده كبير وله مقام
واقف صامد في المكان
حامينا من اي حاجة
تيجي من غدر الزمان
.....
وفيها واحد في الدفاع
كل مرة يشيل علينا
من هموم الدنيا لما
تيجي من اكبر خداع
.....
وفيها واحد في اليمين
عاش حياته طول سنين
يجمعنا بالطيبيين
.....
وفيها واحد في الشمال
كل همة يعدي بينا
وسط سكة كلها
زي الجبال
.....
وفيها واحد خط وسط
رمانة ميزان
من ايدنا يشد بينا
من عذاب الدنيا
الى بر الأمان
.....
وفيها واحد ده هجوم
بيجري بينا كل يوم
للسعادة حتى لو كانت
في دنيا كلها كأبه
ومليانه غيوم
.....
وفيها ناس في مدرجات
مش بتعمل اي حاجه
غير بتتفرج علينا
عمرهم ما فرحوا لينا
بس كل هم ليهم
يشمتوا في اي حاجه
تيجي م الزمن علينا

.............

خالد عبد السلام
٣٠ / ١٢ / ٢٠١٦ م