يرقص في ارتجال
السيد ابو طاحون /يكتب..........
يا حبيبي يا محمد
ج ( 2 )
***********
يا حبيبي يا محمد
ياللي اسمك
يفتح الباب للجمال
والكلام م القلب
يرقص في ارتجال
يا اتصال باب السما
بباب الخيال
والأماني والآمال
يا إنتصار الحب
في وش الدمار
يا انتظار الصحرا
آلاف السنين
حضن المطر
يا انتظار الفقرا
آلاف السنين
هدمة ورغيف
وبيت ضعيف
لكن نضيف
مليان امل
يا انتظار كل العلوم
كل ليلة وكل يوم
ازاي تقوم ؟
وازاي نبدأ ؟
حلمنا .. بكلمة أقرأ
الله أكبر
يا حبيبي يا محمد
***********
يا حبيبي يا محمد
يا إنتصار الحلم
في وش الجهول
اللي عبد العجل
والصنم الهبل
يا انتظار كل الأماني
و الأغاني والقلوب الطيبه
زمن السلام
علشان تنام ف هدوء
وتدوق العسل
يا انتظار كل القلوب المغرمة
علشان تتوب
وتدوب ف العشق الإلهي
والتجرد ..
يا حبيبي يا محمد
*************
ليست هناك تعليقات