يادوب كلمه
عادل على/يكتب...........
يادوب كلمه
ياما اتمنيت انك تقولها
وتمد إيدك
وساعتها اجيلك مش هاسيبك بس قولها
يادوب كلمه
خلينى أعيش الفرح مره اتهنى بيها
دى كلمه منك
مش اى كلمه فى الكون ده كله بتساويها
يادوب كلمه
من بين شفايفك نفسى فيها
من يوم ما شوفتك
وعنيك خدتنى ولا يوم سابتنى
حتى فى منامى بقه حلم عمرى انى اتلاقيها
يادوب كلمه
ومش اى كلمه يسأل عليها
تعالى قولها
قربنى منك انا حته منك
قولها بقلبك
دى عنيك ياعمرى غرقت فيها
يادوب كلمه
.
.
.
.
كلمات / عادل على
ليست هناك تعليقات