صوتك وكلامك
الشاعر اسلام عامر/يكتب
.................إسلام عامر ..... صوتك وكلامك
صوتك وكلامك ليا
همسك و سلامك
ونظرتك ف عينيا
بيشوقوني ليكي
بيحلفوني عنيكي
ان اصونك واخاف
عليكي
وبكل حياتي و عمري
افديكي
وتايه قلبي ف تيارك
عاشق ليلك ونهارك
آه يا جنة قلبي
وآه يا ناري
مش قادر اخبي
ولا اداري
يا مالكة قلبي وافكاري
أكتب ليكي اشعاري
محتاج اقولك
حبيتك
من يوم ماشفتك
حاسيتك
محتاج اضمك احضاني
واخدك بعيد واخبيكي
مايكنشي ليا شريك فيكي
من عين الناس واداريكي
يا احلى كلمة على لساني
حبك ف قلبي قواني
خلاني ابدأ من تاني
نساني جراحي وألامي
ياحب بيجري ف شرياني
طيفك معايا ف مكاني
وهمسك و رسمك
وشوقك و فرحك
ف خيالي
و ف كل احلامي
و معاكي هبدأ
من تاني
واكتب اسمك عنواني
وداع يا كل أحزاني
صوتك صوتك
صوتك و كلامك ليا
همسك همسك
همسك و سلامك
ونظرتك ف عينيا
صوتك و كلامك
صوتك و كلامك
كلمات
إسلام السيد حسن
السيد سالم
عامر
ليست هناك تعليقات