مع إن شمسك صافية

 طارق محمدعبدالجواد/ يكتب .......

مع إن شمسك صافية
وشعاع دافي لمسني
لبسني توب جديد
فرصة أنسى أحزاني
وأعيش سعيد
كأن اللى صابح عيد
يادوب الفرح يبدأ
تغيب شمسك خلف الغيوم
اليوم كأمسي
ولا فيش جديد
قلبك الحنين
اتحول
وصار حديد
م الفرح محروم
بلقاكي جافية
وكتافي شايلة الهموم
بردك قرصني
ومصدوم أكيد
كان حبة عتاب
زاد ع العتاب لوم
على أرضك الحافية
الدهب مخلوط بتراب
صوت الكلاب علي
دبور حديد بيزوم
والعيشة بالعافية

طارق محمدعبدالجواد