و بعدين ياقلبي ليه تخبي
بقلم
عادل امام
و بعدين ياقلبي ليه تخبي
سيبك بقي من الحيرة و وجع الراس
يا عقرب رقاص واقف صامت
في قلب الساعة بيعاني
جوة الكراس حروفك صامت
عن كتابة اَي معاني
يا وتر حساس
عمال يغزل ف أشعاري
ما قولنا خلاص سيب خوفك
واوعي تقول ظروفي منعاني
صحيح بديت تحب متأخر
و تتحني وتطوف و تتبخّر
و تعيش في دور دورويش
في حلقة زار واخدها هزار
وبتتطوَّح
و تفوق علي ما فيش
ما قولنا خلاص سيب خوفك
يا اما تروَّح
يا قلبي حب ما تخبيش
ولا تخاف و أنفش ريش
انسي الناس ووجع الراس
لاهم حراس ماسكين اجراس
علي بابك
ولا عارفين ايه نابك
انسي و عيش ومتقوليش تاني
ان ظروفي منعاني
عادل امام
ليست هناك تعليقات