اخر حلم
عدنان فارس/يكتب............
اخر حلم
انا عاايز اعيش مسلم
مش عايز اموت كافر
وعشان ما ده يحصل
هابعد بقى واسافر
واحلم ببكرة جديد
وبارض غير الارض
وارسم وبالتحديد
طولي وهارسم عرض
ويكون ده اخر حلم
في الباقي من عمري
وانسى الالم والظلم
واملك زمام امري
ولا اخلي حد عويل
يغتال امانيا
ويبيع بسعر قليل
ويشتري فيا
طب ليه اعيش مملوك
وانا عرقي اصله حر
ليه يبقى ليا ملوك
واعيش واموت بالامر
انا عايز اعيش في سلام
وابعد عن المتاهات
ولا غاوي رص كلام
لا تقولي خد ولا هات
وليه اشيل الهم
وجبال على كتافي
لا خال يفيد ولا عم
والكل متعافي
وانا ليه اعيش في حروب
مفيهاش سلاح ممنوع
والوضع بقى. مقلوب
والكل غاوي. خنوع
انا لازم تتغير
وابدا افكر صح
لازم بقى. افكر
واعمل كمان بالنصح
وهاقول وانا مالي
مالكل قالوها
وهاعيش بقى في حالي
وبلاش بقى. التوهة
وكفاية بقى. شعارات
وهاقول كلام ناعم
واتعلم الحوارات
وكأني مش فاهم
وان كان على. شهادتي
انا ياما مت شهيد
وفضلت على. عادتي
بحلم ببكرة جديد
وبكرة ده مش جاي
في بلد عليها العين
والكل شارب شاي
ولا فيها حد امين
مش باقي ليا حد
فيها ومش لاقي
غيري في وقت الجد
يقول انا فدائي
لكن وعلشان مين
ده الكل باعوها
وفي لحظة نسيوا سنين
من عمري سرقوها
طب حد بس يقول
ليه ابقى انا عليها
ماهو برضو مش معقول
انا وحدي افديها
يالكل يمشي صح
يا اما مش لاعب
على ايه هنستنصح
ويقولوا ده مشاغب
لا يا عم انا اسف
معلش كنت غشيم
وبقول كلام. ناشف
من قلة التعليم
واديني بتعلم
من تاني امشي شمال
ولا عمري هتكلم
مهما كلام يتقال
واديني اهو عايش
مع ناس شبه ناسي
مركون على. الهامش
لكن. سعيد. ناسي
انا حتى. شكلي نسيت
اللي كتبته فوق
ما انا لو هاعيش مسلم
لازم اموت مشنوق
بقلمي /عدنان فارس
ليست هناك تعليقات