أنا أم الشهيد
الشاعره نجاة فؤاد البهلول /تكتب
سامحوني قبل أن تقرءو هذه الكلمات فمن يمتلك قلب ضعيف لا يقرأها…
فهذه الكلمات أستوحتها من لقاء تليفزيوني مع الحاجه فاطمه والدة الشهيد محمد بقسم كرداسه… وكان علي قناة صدي البلد أمس في برنامج علي مسئوليتي مع الأعلامي الأستاذ/أحمد موسي… ...
أنا أم الشهيد…
بيقولولي عيد الأم بعد يومين !!!
رديت وقولت هو عيد الأم لمين؟
لأم محمد… ولا مينا… ولا حسين
ولا أنا… اللي راح مني ضي العين
دنا قَلبـ♡ــيے أتكوي علي زهرة
البساتين
وليلي كله بقي أنين
ودموعي ماليه عيني وعدد حباتها
ملايين
وعمرها ما هتنشف من علي
الخدين
هو بعد فراق الغاليين !!!
واللي كان بينادي عليه ياأمي
بلحن جميل
ومالي دنيتي فرح وغنا
وفجأه سابني لعذاب السنين
هقدر أفرح ولا أتهني يا مؤمنين ؟
هفرح لما أأقابله عند رب العالمين
وأبقي أسعد أم وأنا معاه في الجنه
رفقاء زين الزين
وأقول النهارده عيد الأم لما أخده في حضني
وأتهني بلقاه بعد غياب وطول السنين
قولولي هو عيد الأم لمين؟
بقلم/نجاة فؤاد
21 مارس 2017
ليست هناك تعليقات