كان نفسي

الشاعر زهير الرافعي //يكتب 

حكايات من دفتر احوال الايام

الحكاية رقم ( 225 )

كان نفسي أكون مبدع .. تلك هي الحكاية 

كان نفسي اكون مبدع .. وتستضيفني المذيعة الشاذلية والمذيعة  البدوية  ..

كان نفسي اكون مبدع .. وابيع الوهم والهطل والبلاهة وكله عند العرب صابون 

كان نفسي اكون مبدع .. سيناريوهات افلام .. سينما ومرسح ومجلات 

كان نفسي اكون مبدع .. واقف وقعيد وعدل

كان نفسي اكون مبدع ..  وأكون زي زعيط ومعيط والاديب ونطاط الحيط ..

كان نفسي اكون مبدع .. اوبرا وتجريبي وتشكيلي ..

كان نفسي اكون مبدع .. اكتب في جرائد الادب ومجلات االابداع وبرامج البتاع  ..

كان نفسي اكون مبدع .. اشتم في التخين وااكل لحم المميتين  واعيش في الفضائيات..

كان نفسي اكون مبدع .. فلوس كتير وضمير ميت

كان نفسي اكون مبدع .. هجس ودنس ومسلسلات رمضان وشعبان

كان نفسي اكون مبدع .. مهرجانات ومؤتمرات وجوائز وانس وفرفشة

كان نفسي اكون مبدع .. بس يا خسارة .. انا مش مبدع .. انا مش مبدع

وانتهت الحكاية من دون ان أكون مبدع ..

زهير الرافعي