محتاره فيك
الشاعره ايمان احمد /تكتب
محتاره فيك
مخبى ايه
حبك ليه بتداريه
لو على الغرام
باين عليك
مين على الغرام يقدر عليه
وتدارى ليه
انا لسه شيفاه فى عنيك
بتقول ليه عنيك كدابين
من امتى كان الكدب فيك
لو كان ده تقل
خليه بعيد
انا عارفه احساسك ده ايه
انا حاسه بيه
فرحة عنيك وانت معايا دى تبقى ايه
همس كلامك ده مدوبنى فيك
لهفة اديك على اللقا
وساعة الفراق حزنك ده ايه
محتاره فيك
مخبى ايه
حبك ليه بتداريه
من غير كلام
قلبك بيصرخ من الغرام ومن الهوى
حتى شوقك والحنين انا حاسه بيه
خليك معايا.بلاش تبعد وانت هنا
وان بعدت .قوللى حبيبى .ايه الدوا
محتاره فيك
مخبى ايه
حبك ليه بتداريه
بقلم / ايمان احمد
ليست هناك تعليقات