الوحوش
الشاعره امل صلاح /تكتب
كان القطيع ماشي في سلام
يرعي في أمان مفيش كلام
هبت عليه رياح قوية
والظلام أصبح مسيطر ع المكان
ظهر الوحوش والغدر باين في العيون
معتش فيه أبدًا سلام
واترحموا على الأمان
دخل الوحوش يبرطعوا وسط القطيع
قامت المدابح. والدم سال...منظر مريع
الوحوش قتلوا الضحايا ..وأدمنوا شرب الدماء
هم الخيانة طبعهم.. ومعروف أنهم أعداء
لكن العجيب لما تشوف الراعي ....عادي
ولا بكاء ولا نحيب
ساب الوحوش تدخل وتأكل في القطيع
واللي أبشع من دا كله
لو تشوفه جاب سلاحه
ويشارك سفك الدماء
طب ليه ياراعي
وانت حقك تكون الحماية والسند
ليه تبدد في الأمانة
ليه تسيب الوحش ينهش في الغنم
كنت فاكر أنه في يوم راح يرحمك
اوعى تنسى شغلتك وإنك أنت مؤتمن
بكره بيجي الدور عليك
وهينهشوك. زي الغنم
واللي أنت بتعمله في النهاية له تمن
قلم أمل صلاح
ليست هناك تعليقات