الأم مدرسه
الشاعر محمود الشيخ/يكتب
الأم دي مدرسة
طب وعلوم وهندسة
حتى لو مش متعلمة
تلاقيها للعلم مؤسسة
......
بتربي اجيال واجيال
وهي مصدر كل جمال
ووقت الشدة تلاقيها
واقفة كما الرجال
.......
وجود الأم كنز كبير
غني كنت او فقير
متقدرش تعيش من غيرها
وبدعاها بتكون امير
.........
اللي امه معاه يحمد ربه
مهما عمل مغفور ذنبه
لو رعاها وخلاها ترضا
وف الاخرة هيلاقي تعبه
........
رضاها من رضا المولى
ودعاها في السما بيعلى
مفيش حواجز تمنعه
ماهي الأساس والأولى
........
ارحم يارب كل أم
من غيرها حالتنا تغم
واغفر للي تحت التراب
والموجودة ابعد عنها الهم
............
محمود الشيخ
ليست هناك تعليقات