يا أمي
الشاعره رشا احمد /تكتب
كل سنه ودعاء في السما
واصل ليكي يا أمي
ياحته من قلبي عايشه بعيد عني
ياريحة الجنة يا كل شئ ليه
بحبك يا أمي مهما بعدت عني
ودموعي سبقتني من كتر شوقي ليكي ياأمي
فكراك في كل لحظه في فرحي قبل همي
يارب يراضيكي يا أمي بكل ما تتمني
في عيدك يا أمي هديتي ليكي دعائي
مع دموع قلبي واشتياقي للمسة ايديك
لضحكه منك تفرح قلبي
الدنيا بعدك ياأمي انطفي نورها
وقلب بنتك يا أمي شايل همومها
ضحكه مرسومه علي الوش وبس
بحبك يا أمي واتمني اشوفك لحظه
تاخديني في حضنك لو حتي ثانيه
من بعدك يا أمي مافيش قلب طبطب عليه
كل سنه وانت في ضيافة الرحمن
سعيدة هنيه يا اغلي ما في الكون ليه
الف رحمه ونور تنزل عليكي ياغاليه
ليست هناك تعليقات