ساااااالخيييير

 الشاعر السيد علي الشريف / يكتب ..........

ساااااالخيييير

أنا محظوظ بجد عشان
حبيبتي بنت #فلاحة
بطرحة طويلة بتداري
مشاعر عشق فضاحة

وعارف إنها #عاشقة
لكن أخلاقها مش سامحة
تبين أي شئ #ليا
ومش سامحة
تعيش لو لحظة في صراحة
حبيبتي لما بتْقبّل
عليا الدنيا بتقبل
ومتقبل هموم أيامي لو هي
هاتبقي في يومها مرتاحة
ولما بشوفها بتداري
عيونها مني في ثواني
وتحمر الخدود أكتر
ما هي حمرة رباني
ولجل ماهي مكسوفة
اداري ف نظرة مكشوفة
فالاقي مشاعري بالزوفة
تبان ف عنيا فضحاني
ورغم إني كمان عندي
خجل وكسوف😍
بكون نفسي اكلمها
ونفسي اشوف
مكاني في قلبها فينو
فاطمن
وانسي الخوف
ومرة لمحتها جاية
وبيني وبينها ترعة حب
بتروي قلوبنا حنية💓
فمنبطلش لحظة الشرب
ضفاف الترعة م الجنبن
غرام طارح. وورد حنين
وساقية تعبي للعاشقين
غرام من كتره فاض واتكب
يادوب خطيت برجليا
علي طرف المعدية
لمحت صورتها ف المية
بتضحكلي😃 شكرت الرب👋👋
وكات الشمس بتميل
خلاص الدنيا هاتليل
قالتلي وهي بتميل:
- بنبرة حب -
سالخييييير😍😍
لقيت الدنيا #بتفتح☀☀
وحلفت شمسي ماتروح
وفاض العشق من عينها
غرقنا حب
وساااااال الخير
#الشريف