الغربه
الشاعر احمد طلبه //يكتب
الغربه
الغربه ياللي مش عارف
دا قبر وفينا بيلملم
وفيه إحنا اللي بينجازف
وغصب عنا بنسلم
ماهي الحوجه يا ناس مره. ....... وأرواحنا ماهيش حره
يشوفونا الأهل من بره. ....... وإحنا اللي جوه نتألم
وراضين نطفح الكوته
وتبقي عيالنا مبسوطه
وروحنا يا صحبي مضغوطه
بلاش تحسد وتتكلم
ماهي الغربه ياللي مش عارف ...... دا قبر وفينا بيلملم
====================
رضينا نمشي مشوارنا
عشان ما نمد يوم إيدنا
وكل ما نقول قربنا
طموحنا هي تبعدنا
ونصبر نقول ميجراشي ..... مادام ظروفنا عالماشي
واهي الغربه مديماشي ...... شويه بس تتعبنا
وغصب عنا بنكمل
ونصبر فيها نتحمل
عشان حالنا دا يتبدل
يا رب استر فيها وسلم
فيا صحبي اسكت وبراحه .... ما كان في الغربه في راحه
دي زي القبر نواحه
وفينا هي تتحكم
ماهي الغربه ياللي مش عارف ..... دا قبر وفينا بيلملم
احمد طلبه
٢٠١٧/٤/١٨
ليست هناك تعليقات