الغريب
الشاعر فيصل بدر/يكتب
(((( الغريــــــب ))))
****************
أنا الغريـــب .....وانا الغبى
أنا الغبى فى مطلبى
أنا الغريب فى مذهبى
لا انا ملاك ولا نبى
****
الغربه مش غربة وطن
ولا بلاد
ولا بُعدى حتى عن حبيبتى
والولاد
****
الغربه مش عشق وخيانه
الغربه مش غربة ديانه
ولاحبسه بين جدران
حراسها سجَّانه
****
الغربه نار
الغربه احساس بالمرار
الغربه ليل مالوش نهار
ولا نجوم ولا أنوار
****
إن عشت من غير الحبيب
ما انتاش غريب
****
الغربه غربة دم
عن قلب فى جسد
الغربه ما يعلمها غير
واحد أحد
****
شاعر القريه
فيصــل بـــدر
ليست هناك تعليقات