( أميرة الشعر )
معوض حلمي/يكتب...........
الجزء الثاني
( أميرة الشعر )
______________
ياأميرة الشعر حني
إزرعي نبضك في قلبي
وانظمي حروفك نغم
وارفعي الكلمه علم
يصحى قلبي من العدم
واهديكي ....... حبي
ياأميرة الشعر مالك
إنتظرتك طال غيابك
تسهري ليلك معايا
والقمر يضوي ف سمايا
والنجوم تروي الحكايه
تبدرك نسمه ف هوايا
واحضن الأحلام عشانك
ياأميرة الشعر قومي
إطرحيني من همومي
واسمحيلي اكون حبيبك
واستعدي ليوم قدومي
ياأميرة الشعر هاتي
باعشقك واسهر ليلاتي
وازرعك نبض ف وريدي
واندهك وافضل أهاتي
ياأميرة الشعر جودي
واسرقيني من وجودي
واكتبي حروفك غناوي
وارسمي فرحة خدودي
أميرة الشعر يابختها
حنت لها حروف الكتاب
ياأجمل لحظ ف عيون المها
قلبي انتهى عندك وتاب
أول ما شوفتك وقتها
قلبي اشتهى يعاود شباب
أميره وشعرك أغاني
ع الوتر مرسوم
نزلت بحر الأماني
جربت مرة أعوم
سمعت صوتك ناداني
عداني بحر الهموم
ياأميرة الشعر إنتي
ساكنه نبضي مهما غيبتي
ليه غيابك طال تعالي
إندهي صوتك يلالي
قولي إنك مشتقالي
حني مره وشوفي حالي
كل خلق الله ف سيرتي
______________
بقلمي ........
معوض حلمي
منشأة بطاش
تمي الأمديد
دقهلية
ليست هناك تعليقات