كنت و هَـ ابقى
فتحي الصومعي/يكتب.............
كنت و هَـ ابقى ..
*********************************
أنـــــــــــــــا لازم افـــــــــــــــــــوق
مش أحسن مني اللي طلع فــــــوق
راح اروح لحبيبتي قتلني الشـوق
إكفايه الحبسه بأمر الخصم
الولد العم السم السام
............ابــن المحــــــــــــروق
أنا هكسر راسه
لو مرضيش بْـ كَسْر الطـــــــــوق
راح اروح لبهيه نذاكروا سوا
ونراجعوا كمان دروس الــــذوق
معشوقتي بهيه وانا المعشــــوق
أنا كنت الأول فِـ الجغرافيا
ودرس الحــــــب ودرس الـــــــــديـن
وبحب بهيه الحب الصح
وعشانها أعيش الصعب كمان
............ مــن قـبــــــل اللــيــــــــن
مسكينه بهيه فْـ غيبوبه
ومصيرها تفوق
لحظتهـــا هتعرف أبقـى انــــا مـيــــن
منا كنت.. لازلت ..وهَـ ابقى يـاسـيـن
شعر/ فتحي الصومعي
ليست هناك تعليقات