انا اللي اخترت
الشاعر احمد طلبه //يكتب
أنا اللي اخترت إني أروح
بعيد عنك وأنساكي
ماانا مليان بقلبي جروح
من اللي انا شوفته جواكي
ولا حسيت إني عايش حر ٠٠ سقيتي الروح بطعم المر
مشفتش فيكي حاجه تسر ٠٠ مشفتش فرحتي معاكي
ورغم إني خلاص هبعد
هسيب لك قلبي وياكي
٠٠٠٠٠٠٠٠٠٠٠٠٠٠
أنا اللي كبرت علي إيدك
ودق القلب بوريدك
ولا هنكر اه حبيتك
وقولت اموت انا فداكي
ولكن قلبي عاش محروم٠٠ مابين إحساسك المعدوم
وعشت معاكي طير مظلوم٠٠ وأخترت أطلع براكي
ماانا عمري دا بيعدي
وفيكي يضيع علي الفاضي
ولا حسيت إني عايش حر ٠٠ سقيتي الروح بطعم المر
مشفتش فيكي حاجه تسر ٠٠ مشفتش فرحتي معاكي
ورغم إني خلاص هبعد
هسيب لك قلبي وياكي
٠٠٠٠٠٠٠٠٠٠٠٠
بموت فيكي يا ست الكل
ودا رغم إن فيكي الذل
ورغم إن طريقك ضَل
بيوجع فيا شكواكي
هسيبلك قلبي انا وارحل٠٠ وعنك برده اناهسأل
دا طعم الغربه اه بيقتل٠٠ وهصبر يوم ما ألقاكي
احمد طلبه
ليست هناك تعليقات