انا العاشق
مصطفى قمر/يكتب...............
انا العاشق
انا العاشق صوت الادان فيكى
وصوت نعير السواقى رب خليكى
ريحة البهايم ساعة صباح باكر
وشقشقة فجر بعد ليل كاسر
وزقزقة عصافير ساعة وضوح النهار
وصوت الشجر ساعة صفير الريح
بعشق حياتى طليق وسط فضاكى الفسيح
ولقمة بكور ع الريق منسية من الشيطان
بعشق سنابل قمحك اللى فى الغيطان
بعشك زهورك طرحك واكره السجان
عشقى ابد ليكى مالوش جدران
يا مصر يا ام التوب ابيض بلون الفرح
والقلب بفته ودهب بلون الطرح
عتبى على عشقى اللى شاف الجرح
فى نار هواكى ميت وما له صلح
امته يدوق خيرك ويطلع عليه الصبح
مصطفى قمر
ليست هناك تعليقات