متغرب
الشاعر خالد عبدالسلام //يكتب
انا اللي عايش
في بلده متغرب
بين الشوارع
تايه و متشرد
بحلم أعيش في أمان
بس الحلم متجرد
نايم في اي مكان
مش عــارف
م الآلم أهـرب
يا ناس انا شقيان
ودموعي سبقاني
والدنيا هى كمان
م المر سقياني
والهم بالاكوام
والفرحه نسياني
والحزن والحرمان
بقو هما خلاني
يا خلق انا واحد
حالف ليرضيكم
عمره ما كان جاحد
طالب أمان بيكم
مش عايز الاحسان
ولا لقمة في إيديكم
عايز اكون انسان
عايش في وسطيكم
خالد عبد السلام
ليست هناك تعليقات