( القلب بينزف)

 الشاعرة  / زينب أمين قنديل .... تكتب ........

قصيدة ( القلب بينزف) للشاعرة / زينب أمين قنديل
................. ................................ ......................
القلب بقى بينزف...... عليكي دم يافلسطين
من كتر الهم...... ومين بيكي يهتم
ياوطن.... الصمود والشهداء
ياشعب اعزل.... بجناح مكسور
والدورعلي مين..... لما كل يوم لينا شهيد
بيدفع روحه...... فداكي يافلسطين
على فين..... ياقدس رايحين
ياصوت حزين
ياأرض ... مسبوغه بالطين
وبنات دبلت ورودها...... قبل ما يشتد عودها
ودابت طرحتها..... وتاهت منها فرحتها
والهم اترسم على خدودهم........ ولاد وبنات
والفرح هرب منهم
والحزن عشش في بيوتهم
ومين بس يسأل عنهم
لما الحيره بقت ساكنه..... في كل بيت
واترسمت علي وشوشهم
وبقى في...... الف سؤال....و سؤال
وكل سؤال .....مش لاقى جواب
لحد امتي......هنعيش في عذاب
لما ايد......الغدر لينا .....كل يوم لينا بتمتد
بيتخرس اللسان وبيموت...... احساس الانسان بالانسان
هو ليه الحق ......ما عدشى ليه مكان
فين الضمير يابلد...... فين الأنسان
هبنكى .....على أية .... ولا أية
علي دم ولادنا....... اللي سال
ولا على الحزن .... اللى عشش وبات
في عيون الامهات ...... ولا على
شباب ابنها اللي مات
والفرحه اللي ادفنت معاه
ولا شوارعنا ... اللى بقت مليان دموع
والخطوة ..... تايهة فى الربوع ...... بقلم الشاعرة زينب امين قنديل