،،،،، فاصل وتواصل ،،،،،،

 الشاعر المبدع الاستاذ / عاطف النجار .............

،،،،، فاصل وتواصل ،،،،،،

البشر عملت تواصل
وانتو بتعلو الفواصل
يا عرب ايه اللي حاصل
عشنا في سجن الحدود
ةةةةةةةة
بالتواصل عملو فاصل
والفواصل سد فاصل
قتلو فينا حلم واصل
نبقي حزمه بالف عود
ةةةةةةةةة
هو نهر النيل زياده
ولا نفطك قهوه ساده
ولا اصلا ديا عاده
ودي وراثه م الجدود
ةةةةةةةةة
لا تنادو بالخلافه
احنا مش زمن الصحابه
بس فين الصحبه كافه
فين عمر عدله يعود
ةةةةةةةةة
خلي عقلك ف التواصل
شوف بتبقي فين فواصل
غير علي قطعان غنم
او علي اشبال اسود
ةةةةةةةةة
يا عرب الوحده راجعه
بس محتاجه لمراجعه
ننسي فرقه وكل فجعه
والمراجعه تكون صمود
ةةةةةةةةة
شوفو فينا كل فرد ويا حد
ومين هيبقي هو ضد ويا ضد
ومين هايقتل حلمنا ويقوم برد
تعرفو ايه التواصل ف الوجود
ةةةةةةةةةةة
يوم ما نبدا في التواصل نجتمع
يومها بس لبعضنا راح نستمع
مش هنشكي الفرقه ولا ننقلع
ولا هانشوف حد ميت ع الحدود
ةةةةةةةةةةةة
فاصل وتواصل
لكم محبتي
،،،،،،،،،،،،،،
عاطف النجار 14/7/2017