سامحيني يامه
الشاعر احمد طلبه //يكتب
سامحيني يامه
أصلي كداب
أيوه انا ضحكت
عليكي
لما قولت شهر وارجع
من وقتها
ما رجعت ليكي
كان نفسي اعيش
اشوفك
كان نفسي أبوس
رجليكي
كنت هاعمل آيه
في الغدارين
السفاحين المجرمين
واحنا يامه
متجمعين
طلعو بنادق
فوق رؤسنا
قتلو يامه نور عينيكي
راضيه عني
ماهو غصب عني
مش بإيدي إني أفارقك
حظي عالجنه أسابقك
ما انا برده ضناكي إبنك
اللي مات عشان يفديكي
ويفدي بلده عشان تعيش
ماهو لازم بلدنا تعيش
وانتي يامه متحزنيش
وهو ايه اللي بإيديكي
هو بس دعاكي ليا
بالله يا أمي ادعي ليا
واوعي تبكي يوم عليا
هي دمعه فرقه بيكي
واللي عني يا حجه
سائل
قولي أبني ماتلي
راجل
مات علي كتفه السلاح
مين يقول انه راح
وانا يامه عشان ارتاح
أعرفي انا روحي فيكي
دا الشهيد بيموت بفخر
موته أصلاً وقت غدر
من عدو كان قلبه صخر
لا حس بيا ولا حس بيكي
والختام يامه السلام
بس يمنعني الكلام
راح اجيلك بالمنام
لجل مااطمن عليكي
احمد طلبه
٢٠١٧/٧/٨
ليست هناك تعليقات