عاوز ديما ألقاك جنبي

 الشاعر سيد عبد الوهاب / يكتب ......

عاوز
عاوز دايماً ألقاك جنبى
عاوزك تبقى دقه ف قلبى
تحكى دايماً عن أشواقك
إوعى تحاول مره تخبى
عاوزك صدر حنين ليّا
عاوز رُوحك تسكن فيّا
عاوز صورتك تبقى جميله
أجمل صورة تشوفها عنيّا
عاوزك ورده بكّل جمالها
قصة جميله قلبى بطلها
عاوز نورك يملا الدنيا
عاوزك قد الدنيا بحالها
عاوز اشوفك زى الشمعه
ضحكة أمسح بيها الدمعه
عاوزك تبقى كل حياتى
كل الماضى وكل الأتى
عاوز احس انّك جوايّا
أقرب ليّا كمان من ذاتى
عاوز أبقى كل غرامك
فارس تتمناه أحلامك
أسمع إسمى منك دايماً
وتغنيه حتى فى كلامك
... سيد عبدالوهاب....