حروف الوجع
الشاعر سيد عبدالوهاب //يكتب
حروف الوجع
كتبنا حروف الوجع
رسمنا ألَام الجوع
والقلب ياما اتوجع
يصرخ بين الضلوع
والفرح ليه اتمنع..
والضحك ليه ممنوع
حياتنا خوف وفزع
حتى الضمير مخدوع
ولا دُوقنا طعم الشبع
وتوهنا بين الجمُوع
ياخسارة مات الجدع
وطفينا بعده الشموع
إحساسنا برضو اتخدع
ولبسنا تُوب الخضوع
والجرح فينا ساكن
وحاولنا نِكتم لكن
فضحت عينينا الدموع
****************
سيد عبد الوهاب
ليست هناك تعليقات