نفسي أشوفها
الشاعر احمد شاهين //يكتب
نفسى أشوفها . بقلم \ أحمد شاهين
الجرح القديم
الجرح الأليم
الحُب العظيم
إللى راح منى
أنا عايش معاه
بتنفس هواه
بعده. قلبى تاه
لسه أسرنى
طب أروح
على فين
أه يا أحلى
عنيين
وأنساكى
أه يا نور العين
وخدانى لفين
وياكى
بتعدى سنين
وأنا زى ما انا
بهواكى
يا سنين فراقه
العين مُشتاقه
إمتى هنتلاقى
ونقابل بعض
تِلمسها إيديا
تحضنها عنييا
أه يا أحلى حوريه
نزلت ع الأرض
طب أروح
على فين
أه يا أحلى
عنيين
ياللى قابلتوها
ولا صادفتوها
أنا قلبى فى توهه
نفسى أشوفها
أيامها خادوها
وكمان نسوها
إللى حابوها
فاضل طيفها
طب أروح
على فين
أه يا أحلى
عنيين
وأنساكى
أه يا نور العين
وخدانى لفين
وياكى
بتعدى سنين
وانا زى ما انا
بهواكى.
كلمات \ أحمد شاهين
17 \ 9 \ 2017
ليست هناك تعليقات