لما القطر عدي
الشاعر الحسيني الطاهر //يكتب
لما القطر عدى كلمات الحسيني الطاهر
ولما القطر عدى
دبنا شوق و ومودة
وزاد عندي الغرام
وتاه مني الكلام
إهدى يا قطر حبة
إهدى دحنا أحبه
لا ملامة ولا خصام
سلامات يا نن عيني
شرياك وأنت شاريني
عاشقة والشوق كاويني
ميل وأرمي السلام
جروحي دوا جروحك
صدري أمان لخوفك
تعالا أتمنى اشوفك
حقيقي موش كلام
ساعتين عدوا وجيتشي
القطر خلاص هيمشي
هيدوس عرشي وعشي
طب أيه باقيلي أيه
هامشي من غير ما أشوفك
هصبر وراعي ظروفك
بتونس لما اشوفك
أبعتلي حتي طيفك
يزورني في المنام
ياعشق كفاية دوبنا
اتقطعت قلوبنا
تعبنا والله تعبنا
تايهه سكة دروبنا
تعبنا ياناس حرام
صابرين وزي محنا
نفدى الغالين بروحنا
كتمنا كتير وبحنا
الصبر فين الاقيه
مجروحة ومش بيدي
إمشي يا قطر عدي
كانت يده ف يدي
أيه اللي فرقنا أيه
أسلم ومع السلامة
خلى دمعي لعيوني
وخلي لك الابتسامة
وقدرنا رضينا بيه
فرحك مهو برضوا فرحي
اهنى وخليلي جرحي
مظلومة يا مطارحي
مكتوب ونعمل أيه
ليست هناك تعليقات