(((مصر المحروسه)))

الشاعر / محمود صلاح : يكتب

(((مصر المحروسه)))
عارفه يامصر لما تبقى فى يوم زعلانه
بيبان عليكى وبتكون لولادك أماره وأشاره
أنه ميخليكيش أبدا تشعرى بالمهانه
ويردلك يابلدى توب الكرامه
ولايحسسك يابلدى لحظه بالندامه
وساعتها أتمنى أخدك فى حضنى
وأطبطب عليكى ما أنت دنيتى أنت أمى
وأديكى ألف بوسه وبوسه
دا اللون الأحمر اللى فى علمك هو لون دمى
وأنا مش خساره فيكى كلى
كل الأعادى حاقده عليكى يابلادى ومفروسه
الخطط ضدك شغاله محكمه ومدروسه
والمكايد بتتنفذ على أرضك
لأجل تنول من شموخك ومجدك
نفسهم يخوضوا فى عرضك
وينقصوا من قدرك
وأصبحت حاجه واقعيه وملموسه
جديد عليكى اللى بيحصل فيكى
ربنا يحفظك يابلدى ويحرسك
ويكفيكى شر الخسيس اللى طلع صوته
وبيطعنك فى دهرك وينخرفى عضامك زى السوسه
أنتى يامصربالنسبه لى أجمل وأحلى عروسه
ياأم الدنيا وأبوها وحلم بكره وضياها وسماها
ياغاليه ربنا يحميكى ولايشمت عدوا فيكى
مش عايزين يشفوكى يامصرأبدا سعيده ومبسوطه
النفوس المريضه ملهاش مكان فيكى
ماراحت من وجوه الطيبين الضحكه البشوشه
واللى كان موسى أتقلب فرعون
وفى قلبه الكراهيه مدفوسه
مع أنه شرف له النسب ليكى
ولوكان من غيرأهلك وساكن حواليكى
مهو الأيام دول يابشر وأن كان الدور علينا
بكره هيبقى الدور عليكم
كلمات/محمودصلاح السيد
29/11/2017