عيد ميلاد الزعيم
الشاعر بهاء ابو عمر //يكتب
#السيسي_2018_1440
#عيد_ميلاد_الزعيم_حبيب_الملايين
صباح بلون الأمل
صباح الكفاح والعمل
صباح بلون الحريه
صباح الايادي العفيه
صباح بلون الورد البلدي
صباح بيتحدي التحدي
صباح لكل اهل بلدي
صباح منور بأحلي الهدايا والحاجات
صباح لأحلي عيد ميلاد
صباح لأغلي إنسان في مصر
ضحي وجاهد عشان مصر
ضحي باستقراره في بيته
وكمان راحة باله
وشال روحه علي كفه
وقال تحرم عليا الحياه ولو يوم
ولا يهنالي ابدا نوم
طول مامصر حزينه ومأسوره
في إيد جماعه خاينه ومأجوره
ولما سمع نداها
قال تهون حياتي
وحرام عليا اعيش
لو ماانقذتش بلادي
ولبيت نداها
هوه ده بطل بلادي
اللي خلا ثورة يونيو
احلي واجمل اعيادي
تحية حب وسلام
لإبن بلدي الفارس الهمام
اللي قلبه قلب أسد
بس مليان طيبه وحنان
وكل عام هوه واسته بخير وامان
وحب وفرح علي طول وسعاده
بقدر ماجاب لمصر الخير
ومسح عن جفونها دموع الأحزان
ورجع لمصر عزتها ركرامتها
وخلاها دايما في القمه والصداره
فحبيبتي مصر دايما
في الرياده والسياده
وللسيسي حبيبنا ايضا
الرياسه والقياده
ولجيشنا العظيم حقا
النصر والشهاده
وشعبنا الحر الأصيل صدقا
همه أصحاب السعاده
ليست هناك تعليقات