ضحكتني
الشاعر الغنائي حسن عز الدين //يكتب
🔸🔹 ههههههههه🔹🔸
ضحكتني
أوعي تفكر وجعتني
أنا بجد فرحان سعيد
لما أنت سبتني ..
ضحكتني
خلتنى ارجع لايام زمان
واغرق بجد انا فى الحنان
شكرا لانك خنتني ..
ضحكتني
فاكرني هندم ع اللى فات
وحبنا والزكريات
وتبقى كدة كسرتنى ..
لالالا ياغالى
روقت بالى
وف بعدى عنك غيرت حياتى
وللدنيا تاني رجعتني ..
ضحكتني
شكرا لانك بعتني
وبعت عني وسبتني
والله صحيح
انا صريح
ضحكتني ..
ليست هناك تعليقات