قهوة الأستاذ سادة
الأستاذة الشاعرة أم عبد الله عياصرة تكتب / قهوة الأستاذ سادة
قهوة الأستاذ سادة ...
//بقلمي//-
هيه ارتشافة
بس بدك تكون زوق
ولما بدك تشربها معه ...
احساسك بده يكون عالي
وازا ما عندك إحساس ...
اسأله : كيف بلمس النجمات ؟!
هيه ارتشافة
فيها وطن
وفيها ضحكة طفل
وفيها حرية
وفيها امرأة بترقص بنظرة
فيها الشمس اللي بتلع عالقلوب .
هيه ارتشافة
أحلامنا الكبيرة
وأحلامنا الصغيرة
ما بدك تقله إنت مين !!!
بكفيه يلمس إيدك ...
حيعرف الطريق
بكفيه تعطيه قلبك ...
حيكبر زي ما بدك وأروع
بكفيه نظرة ...
تنسى فيها اسمك
عينيه ألوان
عينيه البحر
يا خوفي عليك تتوه ...
وما تقدر ترجع منهم .
هيه ارتشافة
بس لازم تكون زيه ...
بتعرف فعلا ...
شو يعني قهوة سادة .
ليست هناك تعليقات