مرارة الشهد
الأستاذ الشاعر حسن الشوان يكتب /مرارة الشهد
_______________ مرارة الشهد ____________
انا مش مستني منك رد
خلاص لوحده الرد جاني
لما لقيت باقات الورد
بتتجمع من علي أغصاني
وعطرك فاح علي بعد
من عز نومي صحاني
و قلبي فرحان بجد
لما الأمل دق بيباني
من بعد ما خدك البعد
ويوم وداعك بكاني
وصدقت معايا بالوعد
ورجعت لي من تاني
نكمل عمرنا مع بعض
والحياه تعود لبستاني
ونداريها من الحسد
نظراتهم دايما وجعاني
إللي قاصدينها بقصد
يحرموك من حناني
ويمرروا طعم الشهد
في لسانك ولساني
_________________________________
............. الشاعر حسن الشوان .............
ليست هناك تعليقات