فاتت سنة
●●●●●●● فاتت سنة ●●●●●●●
فاتت سنة .
عرفت فيها ناس كتير
كانت رخيصة 👎
وناس بتتلون ساعات
وكدابة وخسيسة ..
وعرفت فيها ناس أصيلة
بس دول مش كتير 👍
فاتت سنة .
قبلت ناس واطية ودنيئة
وناس بتخبى الحقيقة
وناس تبيع عيشك وملحك
قبل ما تمر الدقيقة 👈
فاتت سنة .
عرفت فيها قد أية
العشرة هانت ✋
وناس كتير على أصلها
زهرت وبانت 👀
وناس كتير لعبت ببعض
وبسرعة خانت ❓
فاتت سنة .
وعرفت ناس فقيرة قد أية
وناس بتشحت حتى مش لاقية الجنية
وناس كتير بتتغرب
وناس اكتر بتتهرب
وناس كتير تبات تحلم
باللى هي عايشة فية 💰
فاتت سنة .
وعرفت ناس
كان الاساس مصلحة
وناس بتيجى الدنيا كتير
وناس اكتر مروحة ☝
وناس بتموت
وناس بتفوت
وناس كتير متنصحة 🎓
فاتت سنة .
خسرت فيها اعز الناس
وشربت فيها المر فى كاس
ولقيت الناس عشان المال
بقت تحت الرجول تنداس 💪
فاتت سنة .
وكل حاجة فيها قادت نار
وناس بتغلى الدولار
حتى الدوا
لا والهوا
بقى كلة دخانة لية وغبار
فاتت سنة.
حسن عز الدين ✍
ليست هناك تعليقات