انا انسان
قصيدة جديدة
بقلمي /نور الدين سعد
انا انسان
بصلي الفرض في المسجد
ولرب العباد بسجد
وبكافح علشان الاوطان
طالق اللحية وسواكي
في جيبي كمان
فليه شيفني ارهابي
وبتعطلني في كل ليجان
وقولت عليا بيخرب
وانا انسان
انا انسان
بروح كنيستي وبصلي
ولما اغلط بروح اندم
واولع شمعة الغفران
ويغفر ربي الخطاية
لان انا اكيد انسان
فليه تهدم في كنائس
وكل مكان ولع دب
ورغم اني انا مسالم
شيفني ليه في جيش الرب
ومتخفي ليه يجبان
الفرق بيني وبينك
انا انسان
انا انسان
ومعذول هنا في معبد
بخلاف الفكر والتفكير
لي دين ليه بعبد
انا انسان ولي رب ليه بعبد
لا كنت مرة متلثم
ولا محرج من ديني
ودين الناس مسبش فيه
لهم دين ولي ديني
انا انسان
انت ليه تعاديني
وربك صاحب الاديان
واي دين حرض ليك
وامر ليك بقتل انسان
ليست هناك تعليقات:
إرسال تعليق