الاستاذ الشاعر نسيم الزراع يكتب ///عرفيهم///
عرفيهم
عرفيهم إني ساكن
بين ضلوعك
وان قلبي عاش ف طوعك
واني باتمناكي قبله
تحضن العشق المباح
واني باتمني رجوعك
قلبي حاضن نور شموعك
بس خايف ع اللي راح
ع الليالي اللي سهرها
ونبضه حايره عاش أسيرها
والخطاوي اللي بدرها
بين رموشك كان شجرها
بس فرقها الرياح
نبض صوتك بيناديني
بس مش شيفاكي عيني
كل مره بتهجريني
قلبي تملاه الجراح
لو ف قلبك شكوي قولي
واغزلي نبضك بنولي
شيلي عن قلبك حمولي
واحضني فيا الصباح
فين حكايتنا الجميله
اللي فيها حضني صوتك
وافتعال الشوق ف قلبك
بالمسه لحظة سكوتك
لما طال ف الليل لقانا
والنجوم رجعت سمانا
تنتظر ضوء الصباح
نسيم الزراع
ليست هناك تعليقات:
إرسال تعليق