عودة الحبيب
الأستاذة الشاعرة حنان شمس الدجى والشاعر الآلق أحمد ابراهيم يبدعان في ///سجال عودة الحبيب///
سجال عودة الحبيب بينى وبين الشاعرة أ/ حنان شمس الدجى . بمنتدى لالئ أدبية أمس الخميس 22/2/2018.. تحياتى واحترامى لشخصها الكريم وقلمها الراقى ..
‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘
سجال
عودة الحبيب
‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘
أحمد
ليه تبيعى حبك ليكى
يانبض ساكن جوايا
بشوف الدنيا فى عنيكى
حبك أملى وكل منايا
‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘
الشاعرة : حنان
إزاى أبيع حبك ليا
يامالى قلبى وعينى
حبك كل حاجة فيا
ونبضك يدواى جروحى
‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘
أحمد :
دا قلبى أهو بيناديكى
رغم بعدك وجفايا
وكل يوم أسهر ليلاتى
ياللى حبك حلمى وهوايا
‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘
الشاعرة حنان
سمعت فى الفضا نداك
وصوتك لحن غرامى
ما فيش فى قلبى سواك
يا أملى وكل حياتى
‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘
أحمد:
مهما تأسى أو تغيبى
يرضو بحبك زى ما انا
انت صلاتى ومعبدى
انتى موالى وغنايا
‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘
الشاعرة حنان
مهما بعدتنا المسافات
حبك نبضى ووريدى
تحن لك اناتى والاهات
شجن ونايات توصف تعذيبى
‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘
أحمد
: ياشمس هلت فى سمايا
ياكل جروحى ودوايا
يا سعد أيامى وهنايا
يا حب ساكن جوايا
‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘
الشاعرة حنان
يابدر منور دجى ليلى
ياقمر سهران بيغنيلى
معاك الحب من حظى
نادانى والغرام خدنى
‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘
أحمد :
من غيرك إزاى أعيش
مهما تغيبى غيرك مافيش
ياكل عشقى وهيامى
‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘
الشاعرة حنان
من غيرك الدنيا ماتسويش
ياسر سعادتى وفرحة أيامى
وياك وجوا القلب أنا أعيش
ياكل حبى فى صحوى ومنامى
‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘
أحمد
: بحبك والحب قدر
يانبض يسرى بوريدى
العقل فى هواكى إحتار
وإحتار معاه كمان دليلى
‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘
الشاعرة حنان
وأنت بعيد كان بالى محتار
ياترى فاكر حبى ودارى بقلبى
ولا نستنى وتاه عقلى ويا الافكار
قلبك يدلك ان حبيبى ونصيبى
‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘
أحمد :
تعالى نقرب المسافات
ونزرع الورود غصون
وننسا بئا الآهات
وكفاية بعاد وشجون
‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘
الشاعرة حنان
ياريت يسعدنى الزمان
وانعم بقربك يا ودادى
كفاية بئا شبعت أحزان
ان الاوان اتهنى معاك ياحبيبى
‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘
أحمد
بعتذرلك عن سكاتى
بس موش مسامحك فى الغياب
انتى حياتى وسر وجودى
والقلب عنك عمره ما تاب
‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘
الشاعرة حنان
سامحنى كان غصب عنى
موش بخاطرى ابعد واسيبك
أنت قلبى وحتة منى
خلاص إنسى الغياب والعتاب
‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘
أحمد
خلاص أكيد مسامحك
وكفاية غياب وعذاب
ولا انا فى يوم تانى أسيبك
أنا مستحملش منك تانى الغياب
‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘
تحياتى واحترامى لك ولقلمك النازف الشاعرة الراقية أ/ حنان شمس الدجى ..
خالص تحياتى
أحمد
ليست هناك تعليقات