صلاح الحجري
قدام لجان الأنتخابات
===========
ح أتحزم وارقص بصاجات
يابتوع الفته والتلات ورقات
وأختار بالفم المليان
لايهمني اعيش أو اموت
يهمني بلدي تتصان
وترمح زي الرهوان
ح أتحزم وارقص سامبا وسيكا
وضلوعي ح تعمل مزيكا
و اشيل وطني جوايا حكايات
ارويها بكل الأوقات
احكي علي اللي اشتري واللي خان
ح أتحزم وأرقص بصاجات
يابتوع الخيانه بكل الألوان
علشان بلدي أموت
ولا اشوف الضلمه تعشش وتبات
ح اتحزم وارقص بصاجات
يابتوع التلات ورقات
مع اني سحلول مافياش تنيات
بس علشان بهيه تهون الممنوعات
علشان بهيه إنزل يامصري المعجزات
صلاح الحجري
ليست هناك تعليقات