أنسي هموم الدنيا
الشاعر ابو مؤمن جوهر /يكتب
انسي هموم الدنيا
انسي هموم الدنيا انسيها
انسي حاضرها انسي ماضيها
خلي حياتك دايما حلوة
و الحب منور لياليها
*****
ليه الفكر بيشغل بالك
و بتتعبي روحي في هواكي
قلبي الهارب سابني و جالك
و ايه حيلتي و الفكر معاكي
منك و منه راح الاقيها
*****
ليه الدمع يكون في عيونك
سايل ليه كده كده علي خدك
حاسبي عليه لا يبهت لونك
او تذبل زهرية وردك
و انت حياتي بكل ما فيها
******
ليه بتقولي بكرة و بعده
و تعيشي حياتك في هموم
اتمتعي باليوم و سعده
مين ضامن لي اعيش تاني يوم
نظرة رضا للناس و راعيها
*****
خلي الحب يعمر قلبك
و انظري حوليكي تجديني
انت حبيبتي و انا بحبك
يا اغلي من ضي عيوني
لو تطلبي روحي هتاخديها
انسي هموم الدنيا انسيها
ليست هناك تعليقات