معايا قلب

الشاعر خالد الشرقاوي //يكتب 

************ معايا قلب ************

معايا قلب طيب حنين الاقي حد يشتريه

حد ياخد باله منه ومن الهوا يخاف عليه

يحضنه عند الشدايد يطبطب عليه ويواسيه

يحطه جوا عينه وعن عيون الناس يداريه

يدفيه من برد الشتا وفي الحر يضلل عليه

يخاف عليه من اي جرح وبالغالي يفديه

يخاف عليه من العيون ويحصنه ويرقيه

يعامله بكل حب ورقة ويكون حنين عليه

ولو شاف تحديات مش ممكن يضحي بيه

يحسسه بالامان ومن كل غادر يحميه

يا تري الاقي شاري ولا اموته وارميه

يموت احسن ما الكل يفضل يجرح فيه

يا تري يا اهل الهوي الاقي حد يشتريه

******* خالد الشرقاوي *******