انا كأنما

 موسى سعودي// يكتب .........

انا كأنما
كنت بدون نظر
والودن أبت انها تسمع
اصل السمع و النظر كيف
بيهم السامع من مسمعه بيتكيف
وبيهز الكتف
وبيتمايل خصره ع الكيف
و النظر
بالعين بيفذ البدن ويقف
ويشد الحيل
لمايشوف جمال الخيل
أو مهره من اللى بتكيف..
اقولك الحق
كلامك
خلاني اكفر بكل الكلام
واغمض عيني لجل اخفي عنها
الأنام
ماعادشي حد بيخللي العين
ترضى من اللي بتشوفه..
ترضى تشوف
ولا الودن ترضى بغير الصمم
من عيب الكلام
من الصغار و الكبار و العمم
لكن
نسيج كلامك
نغم أوتار عزفك ع الورق
قاللي فوق
اسمع وشوف
كلام مايقدر يقوله
ملايين الالوف
غيري أنا
لما لما الأسى بيقول
بقول
بقول بالحروف
كما مزمار داوود
اقرا
و اتكيف
وازعق و قول
فيه أمل
فيه أمل
بس من غير أمل

موسى سعودي