فين المفر ؟

 الشاعر : ابراهيم خليفة رمضان// يكتب ........

فين المفر ؟
( للشاعر : ابراهيم خليفة رمضان )
ياوطن أنا موش غريب عنك
علشان أخاف
وبعد بعيد عنك
أنا كلى شوق
إنى أقرب منك
لكن خطاويا
مفروده موش ليه
ون حب قلبى يميل
الخطوه تبقى ميل
والشوك حواليه
ياوطن أنا موش غريب عنك
روحى فيك وبندهك
لكنى عارف إن إنت
موش ليه
غريب والغربه لمانى
لمانى فى اوطانى
ياما أصعبك غربه

فيكى الغريب حابس
خيرك لاحبابه
وانا اللى عمرى راح
مفضلش ليه براح
أبكى على اللى راح
ولاعلى اللى جاى
فين العدل طاب فين
ياملطم الخدين
الفرح جاه بالد ين
والحزن جاه بالكيل
حتى فى أوطانى
أنا جيت ياخلانى
أحكيلكوا من تانى
عن طبع موش فينا
لكن دابرانى
أصل الحكايه إيه؟
بره الديابه كتير
جوه الكلاب قناطير
ناصبين مصايدهم
لسه الطيور بطير
بتعافر المقادير
لما الديابه عوت
عرفت مقاصدهم
هجت طيور البنانى
هامت على شجر الزتون
بنت العشش بفروع لمون
صبح الشجر حوالينه سور
صبح الشجر هوه السجون
هتعوده تانى للمقر
ودوره فين المفر
ياتعيشوا خوف
متحاط بسور
وتقدموا قربان
ضحيه منكم
علشان تعيشوا الذل
متغمس بدم
ياتموتوأ لاجل ماتبدأوا
يامفيش خلاص
غير لما انتم تبدأوا
ودوره كيف الخلاص
وهتوصلوا
وتهدوا سور بنته الديابه والكلاب
وهتعرفوا فين الطريق
ويرفرف الجناحين فى الفضا
ولاحد ليك شريك
غير الغنا والسلطنه
وآه وآه كانت زمان
معادش ليها خلاص مكان
غنى ورفرف فى الفضا
صبر ودوى ايوب مامتش غير لما شفى
ومن مية الوطن ارتوى