كل الأرض

 الاستاذ احمد طلبة /يكتب .....

كل الأرض
==========
حاجات جوايا بحسبها
عن اللي أنا روحي مش فهماه
دا ليه الفكر يتعبها
ويصدمني اللي انا بهواه

بعيش العمر بتغرب
وتبعد عني انا الأحباب
بجد حقيقي بستغرب
ولا بوصل أنا لأسباب
بقيت عايش بقولها بجد
ولا لاقي لروحي نجاه
طموحي عليا أنا بتتهد
وأنا ياعيني يا حول الله
وبسأل بس مين هيرد
ومين روحي دي فارقه معاه
كأني مافيش بكل الأرض
دا غيري الدنيا دي كرهاه
=================
بحن لعمر عشته زمان
والاقي البسمه بين دمعه بخبيها
عشان الحزن دا فيا ولا بيبان
وكل الناس ولا هقدر أبوح ليها
ومين في الأرض
يحس بقلب حد من الحياه مقهور
دي كل الأرض
لاتسوا لحد من وجعه ينام مكسور
وروحي ساكنها اجمل حلم
ولا طايلاه
بحس بإن عمري دا وهم
بعيش جواه
لكني خلاص ولا بهتم
وهي حياه
============
احمد طلبه