جز، من قصيدة / الفراق أصبح أكيد

 للشاعر / مصطفى فريد// يكتب ........

جز، من قصيدة / الفراق أصبح أكيد
من ديوان / ضى نهار
للشاعر / مصطفى فريد

الدموع وفرها ليك
الرجوع مابقاش يفيد
القلوب شبعت مناهدة
والفراق أصبح أكيد

جاى بتسأل عنى ليه
ليه لكل الناس بتشكى
السؤال ح يفيد بإيه
ويا دمعك لما تبكى
الزمن فاتك وسافر
ساب غرورك فيك بيكوى
ياما كان تضحك عنيك
عز قلبى ما كان بيبكى
روح بعيد الله يسامحك
إللى بينا معدش ملكى
حس جرحك لما ملحه
يبقى نار لو شفت صورتى
كل مايوجع بعادى
الألم ح يزيد بسيرتى
تفتكر أيام سماحتى
قد إيه ضحيت براحتى
لاجل ما يكمل طريقنا
والجراح تتلم بدرى
إنما قدرك وقدرى
من بكاك تبقى ابتسامتى
أشرب الاحزان لوحدك
قلبى عطشان للحنان
خنت قلبى خنت عهدى
بعت كل أيام زمان
سقيتنى ليه من مر غدرك
بعت نفسك للهوان
غصب عنك أو بكيفك
إللى خان مالوش أمان
ما افتكرش فى قلبى مطرح
للى زيك أو مكان
قد ايه مرتاح ضميرى
بعد حرمانك حنينى
قسيت كتير والقلب صانك
جوه روحى قبل عينى
لما خانك قلب غيرى
تعتذر وتقول أدينى
تحت امرك ملك إيدك
جاى تقول إنك شارينى
قلبى ضيعته بغرورك
إللى فات ضاع من سنينى