جنون الهجر

 

بقلم الأستاذ // رامز عيد

جنون الهجر

برمشي طرقت الباب ماجاوب حدا
خيط الهجر عالدار عالخد تلفيني
وردة لمست ال غاب قطرات الندى
قهر و اسا وعطاش عالبعد تحكيني

بوهمي غمرت حباب شو بعاد المدا
باتت كفوفي نار عالشوق تكويني
وحسيت بين ضلوع نهداتي صدى
قلبي شدي آهات بالويل يهذيني

ودروب غمرة شوك بوساع الفضا
وزهور خد جراح لمعطارها سنيني
ذبلان كم الجور ل لمساتك غدا
نوحو وانينو آخ مشتف يسقيني

اسم لحفرتو ذاب ع عتاب الحِدا
لمس الشقا منتاب بدمعة جبيني
جفيان دمي صار و عيوني عدا
كلما البدر بالليل بالضي يغزيني

هجرتي صفعتي الروح بعتام الهدى
ضايع بلاكي جنّ يا مقلة عيوني
عودي كفاني عذاب و بوسات الردى
الطيف ال ذبحني وراح بمهلك جنوني

رامز عيد