أنا شاعر بس ياخسارة

 

بقلم الأستاذ // علي أحمد عبد الجليل

انا شاعر بس ياخساره
ماليش عنوان
قولت اسيب الشعر
وارسم لوحه
واكون فنان
وجبت اللوحه قدامي وريشه
وعلبة الألوان
رسمت شجره بلون اخضر
وتحتيها رسمت
ريحان
لقيت بلبل عل الشجره
واقف حزين
حيران
سألته .. وليه الحزن ياقلبي
ومن إمته ؟
قال بقالي زمان
بدور على حبيب غايب
عيونه تشبه
الغزلان
والقد سارح تقول طارح
حبتين رمان
رسمتله نهر ونسيت ارسم
الشطآن
وشفت وليفه ف السما
طاير
باين عليه حيران
رسمتله جزيره وف وسطها
بستان
نزل الوليف يشرب
باين عليه
عطشان
نديت بعلو الصوت
ودعيت ربنا الرحمن
يجمع قلوب الأحبه
ويجمع الخلان
........................
على أحمد عبد الجليل