قطار بلدنا نمرة 1

 جمال محمود  //  يكتب 

#‏قطار_بلدنا‬ ((نمرة 1)) .‫#‏جمال_محمود‬
ركبنا القطر بعد سنين
لقينا القطر كله حزين
وناس واقفين
وناس قاعدين
هموم بخطوطها
مرسومه بكل جبين
ولما سالنا ليه؟؟؟؟!!!!! ليه
الناس وشوش بهتانه
وزهقانه وطهقانه
قلولنا كتيرررر
بنات صبيان ومرصوصين
وناس بتدور علي اللقمه
وبياعين
وناس بتقول لوجه الله
يا محسسسسنين
وعيل جزمه قليل الدين
وعامل فيها م المساكين
وبياع وبينادى ع الاقلام
محاااافظ وعسليه
وعجميه ومشط
والف ميداليه
صناعة صيين
والف جيوب خويانين
وناس ضحكه بصوت عالي
فقير المال وراكب قطر
بالملاليم !!!!!!!شباب وتلامذه مبتسسسمين
وقطر بيجري ع القضبان
بيفرم فرم في الاحزان
تلاقي الكل حاطط همه في نكته
ومليون ضحكه.
في عز الهم ناس جدعان
وتيجى محطه وينزل ناس
كان العمر اجباري خلاص
ويطلع غيرهم
ونفس الامضا في الكراس
وكله معاد معاد
وفوق الراس
حكاوي القطر جوا الناس
#جمال_محمود ..قطر بلدنا